السلام عليكم
في 2026 بقينا شايفين موضة الديكور رايحة أكتر ناحية الألوان الهادية اللي بتدي إحساس بالراحة والاتساع وتهدي الأعصاب بعد يوم طويل. الناس بقت تميل للدرجات اللي فيها نعومة ودفء من غير ما تكون باهتة، علشان تخلق جو مريح في البيت يشبه الـسكينه بعيد عن دوشة اليوم. هتلاقي ألوان زي النيود، والرمادي الفاتح، والباستيل الناعم، والأخضر الهادئ طاغية على معظم التصميمات الحديثة، لأنها مش بس مريحة للعين… دي كمان بتدي لمسة رقيّ وشياكة لأي مساحة، سواء أوضة نوم، ريسبشن، أو حتى مكتب في البيت. في السطور الجاية هنتكلم عن أكتر الألوان الهادية اللي هتبقى تريند ومحبوبة في 2026، وإزاي تختار الدرجة اللي تناسب ذوقك وستايل بيتك.
1. الألوان الترابية
في 2026، الألوان الترابية هتكون على طول في الموضة. زي البيج، والكاكاو، والألوان اللي بتفكرنا بالطبيعة، دي ألوان بتدي إحساس بالدفء والراحة. لو لونت الحيطة بيها في الريسبشن أو في أوضة النوم، هتحس بإن المكان مريح وكأنه حضن دافي.
2. درجات الأزرق الفاتحة
الأزرق الفاتح والباستيل الأزرق هما كمان ألوان هادية ومريحة جدًا للعين. الألوان دي معروفة إنها بتساعد على الاسترخاء وتقليل التوتر، عشان كدة ناس كتير بيلونوا بيها أوض النوم أو الأماكن اللي عايزين يقضوا فيها وقت للاسترخاء.
3. الأخضر الفاتح والنعناعي
الأخضر بدرجاته الهادية، خصوصًا النعناعي أو الأخضر المائل للرمادي، بيعتبر من ألوان 2026 برضه. اللون ده مرتبط بالهدوء والطبيعة، وبيخلي المكان فيه طاقة إيجابية. تقدر تستخدمه في المكاتب المنزلية أو في الأماكن اللي بتقعد فيها كتير عشان تحس براحة.
4. الرمادي الفاتح ودرجات البيج
الرمادي الفاتح والبيج من الألوان اللي دايمًا ع الموضة ودايمًا مريحة للعين. ده غير إنهم بيتماشى مع أغلب الأثاث والألوان التانية، يعني لو بتحب تنوع في الديكور وتغير في العفش، الألوان دي هتكون اختيار ممتاز ليك.
5. الوردي الفاتح (البينك الهادي)
الوردي الباستيل أو الوردي الفاتح لون ناعم وهادي، وبيعتبر مثالي لأوض الأطفال أو حتى أوض النوم للكبار اللي بيدوروا على شكل هادي وراقي. اللون ده مش بس بيضيف نعومة للمكان، لكنه برضه بيدي طاقة إيجابية ويشعرك بالهدوء.
6. الألوان الطبيعية اللي شبه الخشب
من الأفكار الجديدة في 2026 كمان إنك تلون حيطة بألوان شبيهة بالخشب أو حتى تستخدم دهانات بتدي شكل الخشب. ده مش بس بيكون هادي، لكنه كمان بيضيف للمكان شكل راقي وطبيعي، وبيتماشى مع موضة الديكور اللي بتحب الأشياء اللي تحسسك بالدفء.
نصيحة أخيرة
لما تختار ألوان الحوائط، حاول تفتكر إن اللون مش بس شكل، لكنه كمان بيأثر على حالتك النفسية. كل لون ليه تأثير على الراحة والاسترخاء، فاختار اللون اللي يناسب شخصيتك واللي يخليك مرتاح في المكان اللي انت فيه.
صلي على النبي ﷺ وتبسم😊
سنرحل ويبقي الاثر💙